संघीयताको कार्यान्वयनमा इमान्दार प्रयास भएन ः मुख्यमन्त्री राउत

February 28, 2020

मुख्यमन्त्री लालबाबु राउतले संघीयता कार्यान्वयनको लागि संघ सरकारबाट इमान्दार प्रयास हुन नसकेको बताउनु भएको छ । मानव अधिकार पत्रकार संघले आज जनकपुरमा आयोजना गरेको संघीयता कार्यान्वयनमा सरोकारबलाको भूमिका विषयक कार्यशालामा मुख्यमन्त्री राउतले विविधता भित्रको एकतालाई दर्शाउन मुलुकमा संघीयता ल्याइए पनि कार्यान्वयन गर्ने पक्ष इमान्दार हुन नसकेको बताउनु भएको छ । उहाँले संघीयता कार्यान्वयनको लागी सबै भन्दा महत्वपूर्ण पक्ष रहेको प्रदेशलाई कमजोर बनाउन विभिन्न चलखेल हरु भइ रहेको उल्लेख गर्दै भन्नु भयो, ‘ शुरुमा कामै न लाग्ने कर्मचारीहरु पठाइयो, बजेटको बाँडफाँड पनि अन्याय पूर्ण भयो । कसरी संघीयता कार्यान्वयन हुन्छ ।

उहाँले केन्द्रिकृत एकात्मक सोच बोक्नेहरु संघीयतालाई कमजोर गर्ने जति प्रयास गरे पनि अवको पाँच वर्षमा मुलुक कोल्टो फेर्नेमा आफु विश्वस्त रहेको बताउनु भयो । उहाँले भन्नु भयो, ‘ गाँउ गाँउमा विकासको आभास भई रहेको छ, जनताको घर घरमा प्रदेश सरकारको अनुभूति गराउने काम भइ रहेको छ । मानव अधिकार पत्रकार संघको अध्यक्ष घनश्याम खडकाको अध्यक्षतामा भएको उक्त कार्यक्रममा, प्रदेश सभा सदस्य, नागरिक समाज र पत्रकारहरुको उल्लेख्य सहभागिता रहेको थियो ।

तपाईको प्रतिक्रिया !

2021 Copyrights Reserved at Janakpurvani

Designed & Developed By PROTECH